蘇保羅雖已贏夠數上岸，但攻勢仍未見放緩，上周末（11日）更擺出全攻型姿態，頭兩場先贏「靈鋒」及「越跑越好」，所以打後兩匹牌面更強的潘頓座騎「環翠戰士」及「健快聯盟」，臨場熱上加熱，但偏偏兩隻都贏唔到，「環翠戰士」更跑到連P都無，馬友猛呻：「人追蘇保羅我追蘇保羅，捉啱路但就買正輸嗰啲。」

先撇除陰謀論，賭馬就是這麼邪門，越有信心的偏偏事與願違，就連馬房大搏殺也是一樣，經常冷門得而熱門撻Q。

好似上周三（8日）泥地夜馬，徐雨石又係全晚搏命，結果贏了一隻熱門「天賜寶」外，餘下有飛的「悅目星光」同「旋里多彩」起唔到孖，反而贏多隻過廿倍冷門「洪荒駿駒」。

從失敗買經驗，筆者不只一次建議馬迷若專度馬房邊日有手影，睇中的話就寧濫莫缺由頭追到尾，因為隨時會有意想不到收穫，最怕是中無買而輸就有份，對士氣有極大打擊。周三（15日）晚蘇廐陣容依然不弱，依馬房最近走勢仍可追捧。

第七場三班1200米，「騰龍超影」上季跑至五月尾才取季內首勝，看來今季時間表相若，剛戰配郭能於谷草1200米奪亞明顯回勇，今戰人馬再度夾檔捲土重來，可望補中。

第二場四班1200米，廐侶「神州俊馬」前仗贏谷草1200米大把在手，剛戰再跑同程，潘頓末段竟取當晚欠佳的內疊，敗不足據，今次換史卓豐，馬房有心拼個明白。

---------------------------
【六四30】守住歷史 拒絕遺忘
https://hk.adai.ly/zdzKtt2RiW
---------------------------
5月14日 10am-11pm
玩《MINI GAME大挑戰》
贏取American Tourister Velton 81cm行李箱
https://bit.ly/2WigzsG