一「廁」成名嘅林芊妤(Coffee)，近日喺有線娛樂節目中學猴拳嗰陣，就話自己身材好試過畀人胸襲。「試過有次喺年宵，因為太多人撞嚟撞去，最初唔覺，後尾先感覺到有人胸襲我，我當時驚到唔識俾反應。」

節目中，Coffee亦都提番「Gathering」事件，對於林知譽(Will)結婚，Coffee就話戥對方高興，仲話會衷心祝福佢。不過自己暫時就未有心情拍拖。「已經有年幾時間單身啦，我同Will好耐無聯絡，都唔知仲算唔算係朋友，不過我都好開心見佢有多謝我嘅祝福。」談到「殘廁事件」，Coffee就話唔覺得可惜。「好多嘢係整定嘅，可能緣份到此，都勉強唔到。呢件事發生後反而更清楚睇到大家處理問題嘅方法，睇呢個人更通透。」