歌手盧凱彤（Ellen）月前出席活動，話過：「閉關期間收到金曲獎入圍咗女歌手同編曲人，信心都有嘅，自己投資、做出品人，金曲獎都係自己報名，我引以自豪。」而今晚金曲獎佢自己就先拎到金曲獎最佳編曲人獎（新聞連結： http://bit.ly/2sCcOSH ），真係恭喜晒！

盧凱彤喺佢上台攞獎時，劈頭就表示要感謝一個人：「我要謝謝我太太！」佢大方出櫃坦承性向引起全場歡呼！而對於同性婚姻嘅看法，佢之前喺香港出席時都講過台灣同性婚姻平權釋憲，成為亞洲第一個國家認可同性婚姻（新聞連結： http://bit.ly/2r434QI ），Ellen就話：「好開心！佢哋兩年之內要修訂法例，同性婚姻合法化，我覺得係展現咗人權好光輝嘅一面，呢個係基本嘅人權，台灣邁向咗社會文明嘅一面，人人平等好重要，愛係冇分國界同性別。」

至於香港對同性婚姻平權進展舉步不前，從立法會譏員何君堯暗罵同性戀者為畜牲可見一班（新聞連結： http://bit.ly/2ro2BKd ），Ellen仲為香港同性婚姻問題灰心：「香港仲有議員為咗骨灰嘅事件……令到我覺得仲停留咗喺唔文明嘅制度，真係覺得好灰心，香港好多地方要進步。」