【姑姑終於出現喇】劉德華紅館騷 「小龍女」陳玉蓮驚喜現身做觀眾

蘋果日報 2018/12/19 14:07

楊過陳玉蓮跨年演唱會小龍女劉德華
    劉德華一連20場跨年紅館演唱會上周六開鑼，除了首晚有華仔愛女劉向蕙由媽咪朱麗倩陪住現身，欣賞爸爸精彩演出，成為演唱會亮點之一，連日來到紅館捧華仔場的藝人多不勝數，繼一班老友苗僑偉、黃日華及汪明荃、羅家英夫婦、李克勤、盧淑儀夫婦、林嘉欣同莫文蔚等人，噚晚現身紅館嘅，就有華仔舊拍檔陳玉蓮，另外周秀娜、姜皓文等人都有往捧場。
    華仔同蓮妹83年合作拍金庸經典作品《神鵰俠侶》演楊過及小龍女，雖然多年來劇集重拍再重拍，有唔少人演過呢兩個角色，但係華仔同蓮妹，喺好多人心目中都係最經典一對。
    其實，蓮妹早於11年已喺華仔演唱會出現，當年華仔慶祝入行30周年，蓮妹便以壓軸嘉賓身份亮相尾場演唱會，陪住華仔唱《情義倆心堅》。不過，噚晚就未有上台演出，只在台下當觀眾及在開騷前到後台同華仔攬攬打氣。
    華仔噚晚仲「找數」，唱之前歌單冇嘅《如果我有事》，佢仲話：「唔少友好藝人喺網上留言點唱，所以破例唱，滿足大家。」唱完後，華仔仲連續講咗3次「我唔會有事」，觀眾即大聲拍掌同大叫：「你記住呀！」華仔就搞笑回應：「我老婆都未咁樣同我講野呀！」然後又話：「等我振下夫綱先......都唔敢！」
    精選娛聞，喺晒《娛果》
    http://fb.com/appledailyent
    empty
    陳玉蓮噚晚去紅館捧華仔場。（網上圖片）
    empty
    周秀娜都有去睇華仔。（網上圖片）
    empty
    仲有姜皓文。（網上圖片）
    empty
    華仔囡囡第一場就去捧場。(資料圖片）
    empty
    蓮妹11年為華仔演唱會任嘉賓。(資料圖片)
    empty
    林嘉欣都係捧場客。
    empty
    羅家英同汪明荃。
    empty
    鄭中基同老婆余思敏。
    empty
    黃日華同苗僑偉。
    empty
    李克勤同盧淑儀。
    empty
    莫文蔚都有去。