林作今日29歲生日，佢噚日獲麥玲玲慶生，林作貼相facebook後留言：「我聽日就生日啦！29歲。由於今年事業愛情兩不順，將不作任何生日慶祝，也不會回覆任何親友『生日快樂』的祝福。一切折現。亦宣佈正式在踏入2019年前邁入財困階段，來年將喺無法收入提高嘅情況下，節衣縮食。由於聽聞媽媽情況再次類似，新一年我倆將會相依為命，從此低頭做人。目前正商討低調拍賣家中一些非必要品，還請親朋好友多多抬舉幫襯。」林作仲話嚟緊呢一年，佢會好好重新做人，發奮向上，財色兼收。

林作今日喺facebook貼咗床上全裸相，仲用Love汽球遮住pat pat，佢今日回覆《蘋果》時話：「不嬲覺身體係美好嘅嘢，點解唔可以騷出嚟與天同樂。生日大酬賓，我係想向我啲諧星偶像Ken Jeong致敬。」不過，唔知佢張相係邊個揸機？佢就冇答。

精選娛聞，喺晒《娛果》
http://fb.com/appledailyent