近期勁受韓劇迷追捧嘅tvN劇集《鬼怪》，唔止喺亞洲熱播，就連美國媒體都有報道。

據一份當地時間前日出版嘅報章指，《鬼怪》打破多個紀錄，喺外國有不亞于神劇《太陽的後裔》嘅人氣：「以大前日嘅數據為基準，《鬼怪》話題性方面獲得約12500分，上半年度紅遍海外嘅《太陽》用咗5星期先達到呢個數據，但《鬼怪》只用咗3星期就達到呢個數據。」力證劇集嘅高人氣。

報道中更特別提到孔劉同李棟旭呢對「男男CP」：「佢哋兩人之間嘅情節好吸引，佢哋亦相當有魅力地去演繹鬼怪及陰間使者呢種超自然嘅角色。」解釋劇集擁有高人氣嘅原因。