金像影后妮歌潔曼（Nicole Kidman）於今屆康城影展相當忙碌，有四部作品展出，當中有兩部有份角逐金棕櫚大獎。妮歌於香港時間今日凌晨出席完非競賽片《How to Talk to Girls at Parties》首映後，今日傍晚出席競賽片《聖鹿獵殺》（The Killing of a Sacred Deer）記者會，希臘怪雞導演尤格藍西莫（Yorgos Lanthimos）及片中童星出席，不過男主角男哥連菲路（Colin Farrell）就冇出現。

妮歌以跌膊look現身，遠睇幾好，但一近鏡就見到佢塊臉好膠。妮歌於記者會被問到有冇同囡囡一齊睇佢嘅作品。妮歌就立即話：「一定唔係睇呢一部作品，我將工作同家庭分開。有時我會為佢哋拍一啲作品，例於《柏靈頓》（Paddington），不過我當時演奸角，佢哋好驚我。」

《聖鹿獵殺》係一部心理驚悚恐怖電影，童星Sunny Suljic表示試鏡時導演要求佢做古怪嘅動作，佢睇完劇本之後才恍然大悟。