官恩娜(Ella)、李璨琛及名模熊黛林昨日在旺角一間錶舖出席活動。Ella以一件低胸衫襯短裙示人,成功搶去熊黛林風頭,她又貪玩地與身材高大的熊黛林度高。
Ella指大會送了一隻男裝錶給她,記者開玩笑叫她將禮物轉贈緋聞男友吳卓羲,她即說:「點解呀?我都好鍾意戴男裝錶㗎,我覺得做藝人要準時,所以我會將隻錶留番畀自己。」
其後Ella談到對婚姻的看法,她指不能接受同居,也不會到男友家中過夜,她說:「我唔係扮純情,我覺得成日去男朋友屋企過夜會令自己價值降低,而且伯母又會諗呢個女仔唔係好女仔,如果藝人俾人影到去男仔屋企過夜,都會影響形象。」