曼城球星拿斯尼最近同模特兒女友莎列娜（Sharina Gutierrez）去咗洛杉磯玩水，玩到攬攬錫錫，仲見到拿斯尼好似興奮到「動L」。

29歲嘅拿斯尼同26歲嘅莎列娜去咗個水上樂園度玩，拿斯尼着咗條紅色沙灘褲，冇乜特別，而佢女友就一身性感紅色比堅尼，索到爆。見到女友咁正，血氣方剛嘅拿斯尼都忍唔住同女友親熱，例如從後肉貼肉咁攬住莎列娜。莎列娜亦好享受同拿斯尼一齊，旁若無人，有張相見到，佢壓住拿斯尼喺條柱前面，搣男友塊臉。另有張相係拿斯尼幫女友整理泳褲，唔知係咪光暗問題啦，拿斯尼嘅褲襠位脹脹地咁，疑似動L！英國《太陽報》都話拿斯尼某部份尷尬地突起咗。

雖然拿斯尼唔得哥迪奧拿歡心，呢個夏天九成九走，但佢唔使擔心冇工開。英國《太陽報》披露，上海申花開咗份周薪27.5萬鎊（約273萬港元）嘅合約畀佢，邀請佢去中超搵食。