外號馬王輝的姚本輝上季尾於從化開設輔助馬房，早前暑期他經常到當地視察廐務，日前亦有北上當地睇試閘。

姚本輝表示，雖然在從化新開倉，但全部員工都是由其他馬房調過來，對馬房運作十分熟悉，因此令他相當滿意，希望能令今季成績有所提升。

姚廐於開鑼日（9月1日）實行精兵制，惟仍不乏爭勝分子，所指的就是第六場的「奮鬥同心」。此駒上季一出即勝，可惜翌仗未能保持而落敗，經過暑假再接再厲，姚本輝有信心交出好成績。

姚本輝說：「『奮鬥同心』暑期工夫做足，狀態有一定水準，今場要面對天王郭富城名下的『舞士精神』，我認為彼此實力在伯仲之間，而我駒最大的優勢，就是抽到13檔起步。」

「一來直路賽沿外欄較着數，二來連日天雨，外面的場地較乾爽，對我駒有利，不過相信兩駒會有惡鬥，絕對是一場精彩的賽事。」

-------------------------------
馬匹賽績、騎練數據、名家貼士
【最強贏錢武器 盡在蘋果馬網】
https://hk.adai.ly/e/5nFdCiYq8Y
-----------------------------
【撐學生】
召集有心人 撐學生全年睇《蘋果》
立即按此