金像影后妮歌潔曼（Nicole Kidman）1990年嫁予影星湯告魯斯（Tom Cruise），二人曾被視為影壇上嘅金童玉女，可惜最後離婚收場，更有指係因為二人未能生BB而導致婚姻破裂。最近妮歌接受訪問，就開腔談及當年傷痛，原來佢曾經為湯告魯斯兩度懷孕，但最終都小產：「我知道個願望，好巨大、好痛嘅渴望，同埋個失去！小產嘅失去係點講都講唔到。」佢指1990年結婚之後，無幾耐就有咗BB，當時佢只得23歲，但因為宮外孕問題，令佢被迫要流產，其後二人領養咗一子一女。11年之後，妮歌再度有咗，但最終都係不幸小產，而湯告魯斯亦申請離婚。

精選娛聞，喺晒《娛果》
http://fb.com/appledailyent