當年今日
關於我們

隔牆有耳:被指似趙薇 冇興趣讀Law想入娛圈
梁齊昕:我唔介意整容 - 李八方

蘋果日報 2015/02/02 00:00


齊昕,你到底去咗邊呀?呢個問題,相信唔少市民近日好想問,事緣特首次女梁齊昕喺有線電視播出佢嘅訪問兩日後,就喺facebook宣佈無限期婉謝同拒絕所有媒體訪問,疑似「被軟禁」。有記者噚日喺一個活動問特首梁振英,係咪唔畀齊昕講嘢,但CY無回應。而市民齊叫「釋放齊昕」之際,有線繼續播出齊昕訪問,齊昕坦言唔介意經理人叫佢整容,仲自爆有人話佢似趙薇㖭!
empty
齊昕接受有線訪問,表明唔介意整容,仲想整大對眼似趙薇(右)喎。
最滿意自己條腰
齊昕喺噚日嘅節目中,被主持問到點解喺外國讀緊Law(法律),卻突然想入娛樂圈?佢話:「我本身(對法律)冇乜興趣,唔想花廿幾年坐喺律師行做啲冇興趣、日日坐喺Office度做啲我悶到想嘔嘅嘢。」
八方好想知呢段被軟禁、被封鎖用fb嘅期間,齊昕係咪都會悶到嘔?而佢喺節目中話喎,呢條路(入娛樂圈)係自己揀嘅,要Discover吓自己嘅Passion喺邊,表明唔介意經理人叫佢整容,如果要整,就想整大對眼:「之前有人話(我)似趙薇,I wish(似趙)。」至於自己最滿意嘅部位則係條腰,認同主持讚佢條腰苗條,笑稱自己養嘅雪橇犬逼佢跑步,所以令佢每日運動量非常大。

李八方
mailto:[email protected]