【本報訊】WeChat網友以愛情包裝的投資騙局遠不止一人上當。一名25歲單身地盤工透過WeChat結下虛擬情緣，竟誤信網上情人，將9萬元身家投資黃金，最終女網友消失，投資亦幾近蝕光。
25歲港男阿誠從事地盤工作，今年5月初透過交友App認識一名叫穎璇的22歲女子，「佢每日都同我傾偈，又好關心我，落雨會叫我擔遮、放工又問我攰唔攰，我頭像轉咗健身相，佢又讚我好大隻，夜晚會講聲晚安先瞓得着，令我好窩心，覺得好似有一個女朋友咁，有一種魔力俾佢吸引咗，令我想繼續傾落去」。

投資9萬蝕光　「情人」消失

雙方交談4、5天後，該名網上情人上載一張投資獲利的照片，一次賺一萬多元，阿誠詢問下，對方稱將積蓄交予「舅父」投資黃金，每月有定額回報，她還說「男人要上進」，令阿誠深信要在投資上找出路才能獲對方青睞，遂同意月中與「舅父」見面。「舅父」與事主見面時，向他承諾投資9萬元，保證首個月回報至少兩萬元，否則可全數取回本金，一年內更可賺40、50萬元，阿誠同意存款，「但佢話開戶要20萬元，因為我係穎璇嘅朋友，所以私下借出11萬元，我每月還一萬元畀佢」。
開戶初期曾有分別兩萬多元進賬，但最終蝕光，他翻查戶口發現5周內交易多達87次，當中扣去不少金額為經紀佣金，穎璇亦告消失，他如夢初醒疑墮入投資騙局，其後報警並向公司追究，對方僅答應退回經紀佣金，但因要計算金額故仍未退回，估計已凶多吉少。
■記者郭美華、張軍