當年今日
關於我們

【add即時.尚】包包鋼琴8級 徐濠縈陪練陪到瞓 張王幼倫借音樂行善

蘋果日報 2017/06/15 20:00

陳奕迅徐濠縈郎朗張王幼倫領賢慈善基金

音樂是全球共通語言,令人歡樂也予人慰藉。
嘉頓新抱、珠寶設計師張王幼倫(Michelle)創立「領賢慈善基金」,一年一度的慈善晚會,去年以莫奈名畫為主題。今年則提倡音樂的力量!取名「World In Tune韻樂盛世」晚會下周在洲際酒店舉行,知名女高音、四屆格林美獎得主蕾妮.費蘭明(Renée Fleming)和陳奕迅都會出席。
徐濠縈(Hilary)說:「我以前以夫人身份出席,因為Eason係大使,而今次第一次做籌委,幫手叩下門叫人買枱、宣傳樣樣學吓做啲咁。」張王幼倫則謂,「我們理念一樣,都係希望回饋社會,培養下一代。音樂的力量好強,全世界有咁多語言、咁多文化,但在音樂的大前提下,就可以和諧團結起來。」
阿徐坦言和音樂無緣,但身邊人都很愛音樂。女兒陳康堤(包包)由幼稚園三年級K3開始學鋼琴,亦曾為陳奕迅的國語歌伴奏,「佢頭個兩三年都幾辛苦,幾悶,我都曾經想放棄,我又唔識音樂,冇受過正統訓練,帶個女去上堂,佢彈,我自己都瞓著咗,何況一個小朋友?後來慢慢同佢傾偈,鼓勵佢如果想將來可以作曲,或者好似爹哋咁,唔使睇譜都彈到少少,就要更投入。我哋無迫佢,亦唔使督住佢,捱到0依家八級,都冇放棄,因為佢真係鍾意。」
包包亦參加過音樂大師班,「幾年前,佢仲係小學生時去觀摩,睇吓啲大哥哥、大姐姐在大師指導下,點樣彈一首好長的曲目。
張王幼倫讚揚阿徐是勤力家長,「小朋友學音樂,唔一定要係一個事業,亦陶冶性情,帶俾佢哋歡樂,更加可以鍛鍊毅力和耐性,而家新世代,attention speed好短,很難叫佢哋坐定定。」
empty
採訪:林妙萍 攝影:周樂恒 攝錄:林德雄、葉君海 場地:Lai Sun Dining 剪片:李祉澄
empty
徐濠縈今年加入張王幼倫的領賢慈善基金晚會做搞手。
empty
兩代媽媽分享音樂對小孩品德栽培的重要性。
empty
徐濠縈指自己無受過正統音樂訓,,身邊人都愛音樂。
empty
張王幼倫創立基金6年,她坦言要多謝歷年支持、出錢出力及出席的善心人。
empty
陳康堤學聲樂及鋼琴
empty
empty
一家三口