【新增動新聞】
根據《世界自然保育聯盟瀕危物種紅皮書》記載，而家全球共有7個海龜品種，當中只有綠海龜被列為「瀕危」級別，而南丫島深灣就係其中一個長期而穩定嘅繁殖地點，漁護署每年都好識做，提早宣傳每年繁殖期就會封灘畀海龜繁殖，不過灘就封咗，係咪可以令到海龜安心繁殖呢？咁海上面嘅遊艇又點先？

漁護署尋日喺Facebook出po，話由6月1號到10月底，會將南丫島南面嘅深灣沙灘封閉，等綠海龜可以靜心產卵生小海龜，不過好多網民即時秒殺漁護署，話沙灘唔畀人入冇用，因為海龜根本唔能夠從海上嘅遊艇群中「登陸」沙灘生龜仔。有心水清網民話其實三、五七年前已經冇綠海龜產卵，仲有唔少報道話過，海龜唔再喺深灣繁殖，係因為夏天海上面有數以十計嘅遊艇，加上香港海域污染越嚟越嚴重，最尾令到綠海龜走下一隻走下又一隻，最尾咪一隻都冇囉！有人擔心漁護署出po之後啲人會湧去睇海龜，我諗呢班人可以提早放心喇！想睇下佢哋？睇下我哋03年嘅報道啦！ https://bit.ly/2LBwr4G

Ka Wing Chan 懇請封閉深灣對開海面，好多船P騷擾好嚴重，亦延伸好多垃圾漂上海灘！

Arthur Wong 強國人睇到你哋個post，應該會組團落嚟挖海龜蛋，你哋真係好心做壞事！

Joe Lok 好多年無