【新增動新聞】
沙田賽艇中心及賽馬會石門賽艇中心為香港賽艇界兩大下水訓練重地，兩艇會碼頭嚴重損毀，受影響者眾，香港賽艇隊成員袁潤林形容艇會受損程度「史無前例」，港隊未能下水訓練，只能暫以陸上划艇機代替水上訓練。

香港賽艇隊自亞運後休息兩周半，豈料復操後遇上「山竹」吹襲，突失訓練碼頭。應屆亞運男子輕量級八人艇銅牌得主袁潤林今午於體院訓練後到沙田賽艇中心協助清理，他指於港隊十多年，從未見過碼頭損毀如此嚴重，「今次都史無前例，艇會首當其衝，碼頭影響最大，非常幸運嘅係港隊倉設立在體院內。不過我地每一嘅有水上訓練，一定要經過碼頭，而家基於安全理由落唔到水。」他指賽艇隊惟有退而求其次，以陸上划艇機、單車機和跑步取代水上訓練，但碼頭對港隊訓練極為重要，頓感無奈傍惶，「我地係賽艇隊，無得出艇都唔知點算？ 因為呢度幾肯定係唯一做到水上訓練嘅場地。」不少本地賽艇比賽取道城門河，受風災影響，原訂於本周日舉行的香港海岸賽艇錦標賽將延期，下月舉行的香港賽艇錦標賽亦未知能否如期上演。

記者、攝影：洪量丰

--------------------
荷蘭殺神[紅SP]戴維斯參戰確定！立即下載 BFB CHAMPIONS 2.0，建立你的橙衫軍！ http://bit.ly/2xrTKGM
--------------------
《體蘋果》陪你睇波講波
https://www.fb.com/appledailysports