日前有報道指，張兆輝拍《神槍狙擊》時，經常要連踩30粒鐘，加上演員多度期難，成日飛紙仔通告又混亂，輝哥試過患重感冒都要死頂；一次更嚴重到俾玻璃碎片傷耳，係咁流血，但都冇得抖抖睇醫生。令出名順得人嘅輝哥都突然黃日華上身，狂鬧無綫冇人性，訪問中引述輝哥： 「冇得請病假，TVB冇人性0架！想收買人命！」 更謂： 「公司都唔理啲演員，只求完成，咁樣點會有好嘢？」

噚晚張兆輝被問到此事時，承認拍劇試過連續開工30小時，但否認曾炮轟無綫： 「我冇，我係TVB訓練班出身，做人要飲水思源。其實都係一日咋，之前休息多，之後咪推埋一齊拍，但演員係需要休息。」 輝哥又表示發嫂(周潤發太太)曾安慰佢，指人紅先會被人寫，叫佢唔好太在意。

另陳煒下月將陪老公去巴黎工幹，自言是跟得夫人，問會否趁機生仔？她說﹕「好大責任，戥人開心先啦，我哋唔急。」





「第八屆金話梅電影選舉」又嚟喇。今年除港產片有獎攞，仲增設「最爛合拍片」獎。栢芝憑四套電影入圍「最爛女主角」，應該冇得輸。大家快快投票啦，結果將於4月12日在《蘋果》娛樂版揭曉。

公投網址： http://facebook.com/AppleDailyGoldenPlum