做父母當然希望子女成才，學習基礎應該要由幾多歲開始？

前組合2R成員黃婉君（Rosanne）嘅答案係.......零歲！

Rosanne喺09年下嫁混血牙醫Derek，之後誕下6歲嘅白迅(Dylan)同4歲嘅白晨(Daniel)，今個暑假Dylan同Daniel都會參予好多唔同興趣班，包括足球、籃球、游水、網球、田徑、畫畫、唱歌、論語班等等，可以話係文武兼備。當中較特別一個暑期班，係參加右腦發展班，老師會用極速一秒時間閃一張卡，內容包括中文、英文、數字、顏色、科學、歷史等，加埋一啲助學遊戲，助小朋友右腦發展。

Rosanne話﹕「我係屋企零歲就開始閃卡，一秒一張呢個動作，眼focus咗可以幫到佢哋右腦，如果慢閃就係train到左腦。」Rosanne專登上堂學習點閃卡，由零歲開始由黑白卡到彩色卡，每日同一組卡閃3至5次，真係好花時間同心機，Rosanne話好值得﹕「一般小朋友歲半先上堂，但我就想掌握0至歲半呢段時間，同佢哋一齊玩多啲。佢哋BB嘅時候，我將啲閃卡閃完，問邊個1字，BB會識得爬過去，好奇妙。O依家佢哋都識得講國語、英文、廣東話，亦聽得明簡單嘅法文、西班牙文同印尼話。所以我寧願放棄我鍾意嘅唱歌事業，做一位全職媽咪。」

問到可覺得自己係怪獸家長？Rosanne都好坦白話﹕「一半一半啦，好多人話咁細個唔需要學咁多嘢，但我理念係想開發咗佢哋先，大個俾佢哋選擇，唔係要佢哋做天才。」有冇傳授心得俾妹妹黃婉佩（Race）？Rosanne笑笑口話﹕「有，但阿妹都覺得我有少少over，得閒就聽論語、古典音樂，佢就話﹕『喺屋企唔好聽好唔好？我就嚟瞓覺。』所以我覺得做媽咪都需要一份堅持，唔好疑懷自己理念，小朋友先會同你一齊由頭做到尾。」

Heguru係一間來自日本嘅兒童右腦及全腦開發學校，每堂收費約$400，咁究竟乜嘢係右腦發展呢？
Yorkie老師解釋﹕「右腦係image brain，一個圖像嘅腦袋，所有智識俾小朋友都係一個圖像，喺小朋友世界，一幅圖畫其實冇難度，所以我哋所有智識，包括中英數、常識、歷史、科學等都可以俾小朋友去認識。

而右腦係小朋友0-6歲先會發展，6歲之後就會開始停頓；相反左腦0-3歲小朋友係未發展，左腦叫language brain，語言嘅腦袋。0-3歲小朋友未識講嘢，如識講嘢可能都係跟你講，但背後意思係唔明，所以3歲之後小朋友左腦先會發展，我哋課堂將右腦吸收咗所有智識，變為一個圖像，當左腦發展之後，右腦智識就會連結到去左腦，進行思考咁運用晒出嚟。」

場地提供﹕Heguru(查詢電話﹕3703 9456)

想隨時獲得更多親子資訊，快啲like Easy PaMa Facebook啦！
https://goo.gl/1qWM8g

【星二代放暑假(3)】同陳豪囝囝一齊學踼波 洪天明要大仔上足球學校
連結： http://bit.ly/2worqF3

【星二代放暑假(2)】江碧蕙拒絕大仔做騎師：知道危險性幾大
連結： http://bit.ly/2ukmtA3

【星二代放暑假(1)】趙海珠唔想囝囝學自己 要有創意夠主動
連結： http://bit.ly/2vHQcCk