今屆世界盃比賽用足球「Telstar18」喺今個國際賽期全面試用，不過球員嘅反應就似乎麻麻，唔少門將都批評個波太過飄。其中喺對德國一役，畀湯馬士梅拿射入咗球世界波嘅迪基亞就話個波飄得嚟仲好古怪㖭。

而喺嗰場波幫德國把關嘅巴塞隆拿門將達史特根都好有同感，佢接受西班牙《阿斯報》訪問嗰陣就狂鬧嗰新波：「個波嘅設計應該要好啲，而家真係好飄，不過我諗佢哋都唔會改㗎喇，唯有喺世界盃開鑼前嗱嗱聲適應吓啦！」

除咗迪基亞同達史特根之外，另一位西班牙門將連拿都好唔滿意個新波，仲叫廠商趁仲有幾個月時間，快啲改改個設計佢，唔知「三間」又會唔會順應民意呢？

--------------------
係你！打造星級球隊，征服各地聯賽！立即加入『BFB CHAMPIONS 2.0』！ http://bit.ly/2xrTKGM