【新增動新聞】
「而家你公司邊個人識講英文？」「冇人識英文。」「黐X線公司！」呢段錄音，相信唔少網民都記得，但你可能估唔到，「唔識英文」而出醜嘅，竟然輪到特區政府。鄰近上水市中心石湖墟同上水港鐵站嘅上水花園第四號，有網民發現，裡面有件慶回歸藝術裝置，上面嘅logo竟然寫錯英文，將「21st」誤植為「21th」。

網民Wallace Hung在「PLAY HARD 玩硬」facebook群組轉載相片，慨嘆「今日香港，錯英文是常識吧」。《蘋果》登入港府嘅慶回歸網頁，發現網頁上嘅logo並無出錯。

網民點睇

Eric HauEric Hau：符合國情！同只有幾十年歷史的殘體字黨國接軌！

Dino HK Dino：小學雞錯誤。小學都學過啦，21係用st嘛。應該係套用20周年字樣，以為改少少就得。

Winson Leung：無用拼音已經算好。

Albert Ng：有個th喺旁邊已經當贏啦。

Jeffrey Sin：改一改個1字，又袋袋平安。