【歌姬齊轉Look】濱崎步換金色短髮 西野加奈剪掉長髮
西野加奈濱崎步
踏入炎炎夏日,兩位日本歌姬都急不及待將髮剪短以新形象示人,女歌手濱崎步換咗一個金色短髮,至於西野加奈亦為新碟剪掉30cm長髮。
濱崎步早前開騷被指身形脹爆,更慘遭網民冷嘲熱諷,步姐上個月透過官方歌迷會網誌,表示除咗膝蓋骨六年來一直惡化外,其右耳聽力亦開始衰退,係步姐繼2008年公佈左耳失聰後再傳來壞消息,不過步姐未有打算放棄事業,反而令佢更有決心為歌迷站在舞台。而前日,步姐透過Instagram公開工作花絮,更首度披露金色短髮嘅新髮型。步姐於事業高峯期便以金色短髮造型示人,唔少粉絲都話短髮好襯佢,仲話要跟步姐嘅髮型剪。
至於西野加奈就為下月發行新碟《Girls》剪掉長髮標記,歌詞係講到女性為理想努力,西野加奈為配合歌曲嘅强悍女性形象決定換上短髮,相信屬潮流指標嘅佢,換髮會引來唔少少女模仿。
西野加奈就為新碟《Girls》,剪掉30cm長髮。