劉小麗「DQ係對傘運瘋狂清算」
籲民主派團結 力爭議席過半

蘋果日報 2017/07/28 00:00


【DQ四議員】

【本報訊】兩宗宣誓案,先後令6名民主派議員失去議席,包括在傘運及佔旺現場推動街頭論壇及講學的劉小麗,今天傍晚前便要遷出立法會大樓辦公室。劉小麗形容DQ風暴是對傘運「瘋狂的清算」,被捲入大時代,惟有沉着應戰;多年來在大學教社會學的她說:「讀過社會抗爭都會知道,對家最想打壓你,一定你係最大嘅武器,所以絕對唔好睇小議會議席。」劉指若當權者連串行動是要你灰心,更不可中計,將來要更有智慧地認清這個政權,「佢打倒我哋一次,我哋就要喺嗰度企起身,直到(民主派)議席過半」。
記者:陳雪玲
去年立法會九西直選中高票當選的劉小麗,因為慢速宣誓被政府提出司法覆核,最終被法庭褫奪議席。劉小麗接受訪問時指,早已預計法庭會於7月宣判,故在其議會生涯時一直提醒團隊要「每星期都當係最後一星期」。由墟市政策到北大嶼山醫院擴建,劉自言「禮拜一做到禮拜七(日)」,到最後整理好筆記要在議會發言的項目,正是急於在財委會通過的36億元教育新資源撥款。
稱補選或因確認書止步
當日下午到法院聽判,案中四名議員均敗訴令她震驚,「當日心情係非常沉痛、非常悲憤;正正係咁,我覺得唔好畀個人嘅情緒太過干擾;要回應大時代,應該要堅強沉着」。
在過去個多星期,「小麗民主教室」認識的街坊冒紅雨為她拆橫額、之前受她捐助的組織有提出將多個月來的捐款退還,令她既溫暖又難免傷感,「相比起天文數字嘅DQ官司,呢啲捐款能用落民間,去幫清潔工、幫外判工去說話,我覺得更有價值,當日捐款已考慮埋DQ,我覺得唔應該去拎返」。
曾說過要盡力為民主派奪回這一席,但劉小麗坦言若參加補選,連過不過到確認書一關都是變數;目前首要在民間延續其辦事處的運作,補選安排稍後再與另外3個團隊商討。對於特首林鄭月娥上場後「吹和風」,劉小麗希望大家盡早丟掉幻想,「大家唔好只睇形象,仲記唔記得佢有機會係『689 2.0』?佢的確有呢個勢頭,把屠刀係冇放下到,糖衣陷阱,落藥落得比689更高明。」
她認為此時民主派要更團結,不要被分化,現在當權者要將溫和及進步民主派對立起來,不斷撥火,「佢有想拉散我哋嘅勢頭,我覺得更要團結」。她一再強調政權「狼子野心」,現在要求建制派不改議事規則、不追討DQ議員薪金,不是要他們寬大,而是應份,「冇可能叫人做嘢之後,改返合約話唔使畀錢你,呢個係幾無良嘅政權先會咁做?」
empty
劉小麗籲沉着應對「傘運清算」;圖為2014年雨傘運動。