【韓流】疑逃兵役惹爭議 徐仁國鞠躬道歉避談腳傷情況
徐仁國
現年30歲嘅韓劇《回答吧!1997》男星徐仁國去年3月入伍,但因左腳踝被判定為剝離性骨軟骨炎,所以唔使繼續服役,並於同年6月時以陸軍現役身分退役。不過隨後被韓媒爆料指徐仁國早知自己有腳患,但一直延遲服兵役又唔接受治療,質疑佢故意逃兵役,引起爭議。但徐仁國一於闊佬懶理,更落實拍攝tvN新劇《從天而降的一億顆星星》,立即遭網民炮轟。
徐仁國今日夥新劇拍檔庭沼珉、朴誠雄、徐恩秀現身劇集發佈會,並就疑似逃兵役引起爭議一事鞠躬道歉。徐仁國表示:「好感謝各位記者朋友能夠嚟到發佈會現場,喺開始之前我要真心地為之前打擾到大家嘅事致歉,我會以更好嘅一面、更好嘅演技去詮釋劇中金武英一角。」不過被問到腳傷會唔會影響劇集拍攝進度時,徐仁國就表示怕私人身體狀況混淆咗今日宣傳劇集嘅焦點,所以避談腳傷嘅情況。
精選韓流,喺晒《娛果》
http://fb.com/appledailyent
《從天而降的一億顆星星》由(左起)徐仁國、庭沼珉、朴誠雄主演