【午市急CALL：重溫】古天后：科技股指ETF升1倍難度高 不如揀個股
午市急CALL唐牛古天后video_wall
恒指早段在25000點好淡爭持，證監會持牌人古天后稱，未來仍由新經濟股支撐大市向上，下周一亦有多隻股份正式染藍「接力」推升指數，包括近日公佈業績後接連破頂的小米（1810），古天后指出，小米由過往「低端手機股」升級做「真科技股」，現價計估值依然便宜，可解釋業績後連升天，買盤又不停升。
上周五本港首隻科技股指ETF登場，價格抽升至20蚊，不少散戶接貨，價格其後回復正常，蘋果專欄作家唐牛指出，「其實當日唔係錯價，而係有人衝入去」，提醒投資ETF要熟知玩法，第一件事是要了解其淨資產價值（NAV），「無做功課當咗新股咁炒唔可以怪人」。
唐牛續指，ETF其實是懶人包，若無心水可以考慮，又透露他身邊不少朋友至今仍認為ATMX估值高，「嫌貴唔肯買」，不如買ETF，至少可涉市場又達分散風險之效。有觀眾提到以7.87元買入3033想知道最新部署，唐牛續指「原本買ETF應該係睇中長線，暫時無需過慮」。
古天后卻指出，若認為個股貴而揀選ETF，其實這個想法相當矛盾，「ETF係由嗰啲股份組成，我自己就唔會買，你要ETF升一倍好難，如果你揀啱個股，升1倍就好容易」。
港交所（388）方面，古天后指，未來有多隻大型新股排隊上市，本周五又有另一隻科技指數ETF上市，類似產品陸續有來，「港交所肥到襪都着唔落」，多間大行已上調目標價至400元樓上。唐牛亦補充，科技指數ETF只是頭炮，其後或會有更多衍生工具推出，「嗰個先係大茶飯」，「388都係坐喺度收錢」。
古天后 海吉亞醫療（6078）目標$50 止蝕$39
唐牛 九毛九（9922）目標$20 止蝕$15.8
【午市急CALL】科技股指ETF VS科技股 古天后、唐牛點樣揀？
-----------------------------
-----------------------------
-----------------------------
《本土情味》結集《飲食男女》雜誌經典欄目「老字號」文章，記錄香港40家飲食老店的動人故事，見證香港飲食史的甜酸苦辣。即日起，於各大便利店及書報攤有售，並於
《蘋果日報》你的優惠 網上獨家發售！