武肺疫情蔓延全球,有在英國留學的香港女生公開被中國學生欺凌的經歷,指自從1月入讀英國Chase Grammar School後,便開始受5名中國女學生欺凌,初時是用言語攻擊樣貌,昨日香港女生於Instagram限時動態轉載文宣,寫有「Coronavirus is China's」等字句,中國學生變本加厲衝到宿舍,香港女生受驚鎖門,對方仍企圖扭開門把及踢門,又隔門大叫「你有本事開門啊」。
該名在英國坎諾克留學的香港女生,向香港反送中文宣網站公開了上述遭隔門威脅的短片,並以文字記述受欺凌經歷。她說自己今年1月插班入讀Chase Grammar School,「一嚟到,班中國嘅女仔(5個)已經好唔鍾意我,但我even連佢哋咩名都唔知」,中國學生一開始是用難聽的說話攻擊她,內容包括指她「好樣衰」、「醜到冒犯咗我」,甚至試過說「fXck you bitch」。
香港女生表示自己「從頭到尾冇理過佢哋,扮聽唔到就算」,直至昨天她在Instagram限時動態轉載一幅文宣圖,內容指「Hong Kong is not China's,Taiwan is not China's,Tibet is not China's,Coronavirus is China's」,該批中國女學生不久後衝到宿舍、到處找她所在房間,「我聽到佢哋把聲所以鎖咗門,但佢哋都搵到我間房」,對方用普通話吼叫:「你有本事開門啊」、「你用中國給你發的護照你說什麼」。
幾人大吵大鬧引起舍監注意,「舍監鬧走咗佢哋,之後入房諗住同我傾,班女以為舍監走咗就又返嚟踢門。」該香港女生除了公開短片,今日亦已經與校長聯絡,「老師叫我地當面傾,一嚟到班女就話,因為我IG冒犯佢哋中國人,話我攻擊佢哋、唔尊重佢哋」,眾人又聲稱到宿舍「踩場」是為了找她傾談,只有敲門、沒有踢門,惟片段清晰可見有人企圖扭開門把,又不斷大力拍門。
老師問該批中國女生以後會否繼續做同樣行為,她們似乎未有悔意,「佢哋話如果我繼續po文宣,佢哋會繼續咁對我。」香港女生引述校方結論,稱雙方只是誤會應和解,「仲話呢間係國際學校,我唔應該係社交媒體講啲咁敏感嘅話題,話係我唔尊重學校嘅中國人先,話呢件事我有責任。」她對此很不滿,「我都想有人解答到我,點解明明係我間房,我唔可以feel safe甚至要鎖門?」
網民已經發起在Twitter轉發短片聲援香港女生,希望爭取英國國會議員關注,要求Chase Grammar School正視是次欺凌事件。
-----------------------------
【武漢肺炎】專頁 全民自救 抗疫資訊盡在《蘋果》
-----------------------------
無懼警暴 學懂自救
《抗暴之戰●法例須知》
讀果 上架