馬房不論大或細，都一定會經歷過低潮，今季正值盃王大摩的低潮期，搏到現時只得17W。

以大摩旗下馬匹的質與量，此成績當然係不及格，與大摩只相差一場贏16W的霍利時，前幾季亦陷入低潮，2012/2013馬季只贏得13場頭馬，至於前季16W亦僅達標而已。

之不過黑暗過後總會見曙光，上季霍利時33W，成績大幅回升，以其馬匹季內表現計，今季頭馬數目有機會同上季睇齊。

對上一次（2月21日）谷草夜賽，霍利時取得一W兩P，其實霍利時搏馬有一特式，就係同日不止一駒出擊，而季內谷草時廐已進賬10W。從比例上睇到，谷草絕對係時廐贏馬福地。

周三（7日）晚時廐實力馬不少，最具競爭力兩駒係頭場「金禧足球」及第四場「有心人」，前駒剛仗初次上名，長途馬終於表現納入正軌，今次加程跑1800米合理，相信名次會進一步提升。

至於「有心人」上季中轉投霍利時後密跑減分，終由87分落至現時60分跑四班，本身歷來兩戰四班全勝，六歲馬已到反彈點可贏。