【逆權運動】認7.1阻衝立法會錯判民情 張超雄：勇武及和理可互相承托
蘋果日報 2019/08/07 00:02
張超雄衝擊立法會逃犯條例逆權運動
張超雄相信「勇武派」及「和理非」是互相承托。李錦鏵攝- 曾於7.1當日試圖阻擋示威者衝擊立法會的張超雄，坦承當日錯估民情。李錦鏵攝
- 張超雄擔心警民衝突將導致人命傷亡，冀抗爭者更小心和靈活。
一直主張「和理非」抗爭的工黨立法會議員張超雄，曾在「勇武派」示威者7.1衝擊立法會期間，因害怕支持「反送中」運動的民意逆轉，親身上前阻擋，卻被示威者拉開。事隔一個月，張超雄坦承當日錯判民情，沒料到巿民對林鄭政府的不滿，令他們更體諒激進抗爭手法。「反送中」一役更凸顯，「勇武派」及「和理非」是互相承托不排斥，他強調不會與衝擊者割席，但隨着警方鎮壓示威的暴力程度升級，張超雄擔心警民衝突將導致人命傷亡，冀抗爭者更小心和靈活，謹守「不受傷、不流血、不被捕」原則。
記者 林俊謙
2014年傘運期間，張超雄也曾挺身阻擋因誤信立法會審議「網絡廿三條」而衝擊的示威者；5年後衝擊再生，氣氛卻迥異，張超雄接受《蘋果》訪問時指：「最大分別係2014年支持（衝擊）嘅聲音好弱，當時10幾個警察殺到，就煞停咗。但今次唔見警察出現，而喺（衝擊者）後面嘅後生仔，以及數以百、甚至千計嘅人，其實都支持呢件事，氣氛同聲勢同當年完全唔同。」
張承認當時錯判民情，原先擔心的民意逆轉無出現，反而出現意想不到的另一種民意逆轉，「原來今次（巿民）嗰個不滿嘅普遍性，遠超當年雨傘運動。當年傘運（長期）佔路情況，慢慢令民意逆轉，但今次巿民都覺得呢個行動仲勉強可以接受，因為基本上係無人直接受傷，佢哋撞爛嘅係象徵已經腐朽咗嘅權力嘅死物，所以似乎大家都接受。呢點我係跌眼鏡嘅，我估唔到原來香港人成個心態都開始改變」。
他認為巿民對激進抗爭支持包容度大增，與林鄭回應民意的手法一錯再錯有極大關係，坦言至今並不完全認同勇武派的抗爭手法，但一定不會與他們割席：「我哋唔會話佢哋係暴徒，因為相對於佢哋嘅行為，成個政局同暴政先係真正嘅罪魁禍首。佢哋掟石，我梗係唔認同，但相對警方嘅武力、（警方）乜彈物彈去相比，其實都係強弱懸殊。」
雖然希望示威者不用暴力即能成功爭取政府回應訴求，但張坦承，立法會衝擊後的塗鴉已寫明：「是你教我們和平遊行是沒用」，「好多年以來，都係你哋巿民和平示威，我（政府）睬你都戇，結果佢哋﹙年輕人﹚6月12日攞個身體出咗去擋嘅時候，就奏效咗，至少係喺嗰刻。我哋都真係從呢個教訓知道，我哋呢種古板啲嘅和理非、我哋可以做得到嘅，真係有限，今次真係靠佢哋﹙年輕人﹚」。他相信「勇武派」及「和理非」是互相承托，「無咗勇武，『和理非』真係做唔到；但純粹靠勇武無『和理非』，我哋亦攞唔到公眾嘅支援，惟有兩者結合。我哋當然亦希望勇武係有個限度，而呢個限度就係唔好令對方或者自己受傷」。
隨着警方打壓示威的暴力程度升級，甚至拒絕再容納議員居中調停降溫，張超雄極度擔心稍後的警民衝突會導致人命傷亡，呼籲港人保護年輕人同時，未來抗爭亦要加倍小心及靈活，「以前嗰種喺現場行動對峙嘅情況，其實唔可以維持好耐，因為警方一衝埋嚟就扑，跟住就拘捕，所以我哋要更加唔好畀呢種情景出現⋯⋯否則咁扑法，過去拘捕幾十人、下次可能拘捕百幾人，每次俾佢咁拘捕，其實真係會捉我哋過千人都得，呢種都係一種白色恐怖」，希望示威者也明白，散後能夠再聚。
本身是社工的張超雄於「反送中」運動期間更試過將意圖輕生的年輕人由橋邊拉回路面，稱對年輕人的負面情緒感到痛心和擔心，但強調年輕人的情緒問題不是社工協助就可解決，最重要還是「政治問題政治解決」，「社工都話今次係林鄭搞出嚟嘅政治問題，年輕人咁絕望，係因為政府一直麻木不仁咁打壓佢哋」，指政府已經公信力全失，「成個林鄭政權要換係最基本（要求），香港成個政治結構、選舉制度亦要改革，咁香港先會有啲平穩啲路行」。