儘管法國在有驚無險下出線，不過對唔住都要講句，法國今晚對住西班牙，睇怕都係難逃出局厄運。
西班牙在分組賽表現銳不可當，前鋒韋拿有兩個入球，費蘭度托利斯亦有三個「士哥」，一度位列射手榜前列。連魯爾都開埋齋，今晚仲有機會復任正選，有呢位精神領袖帶住，「鬥牛勇士」數糊能力更有保證。
西班牙亦一改大賽腳軟毛病，分組賽頭場大數烏克蘭，之後仲3戰全勝，霸氣十足。佢哋上場更因為已篤定出線，可以派成隊副選上陣，正選球員有足夠精力準備今晚大戰。

法國體力輸蝕

法國就冇咁好彩，最後1場對多哥，要搏盡先以2:0出線。施丹雖然因為停賽休息一場，但佢同馬基列尼、韋托特等主力畢竟年事已高，同年輕力壯嘅西班牙相比，體力難免會較為輸蝕，情況令人擔心。
法國教練杜明尼治嘅戰術向來惹人非議，頭兩場分組賽竟收起有心有力嘅查斯古特，只用「單箭頭」亨利，結果兩場入得1球。如果今場佢又用番「單箭頭」戰術，入球都唔會多。我今場力撐入球「細」之餘，仲揀西班牙嘅讓球「主勝」。
球彩台《06世界BAR》主持RITA
PHONE波熱線：1831678
電郵：[email protected]
播映時間：8:00pm至深夜5:30am