日本名導山田洋次嘅《嫲煩家族》系列深受影迷歡迎，最新一集《嫲煩家族3走佬阿嫂》已在港上映，今次又係原班人馬上陣，故事就集中在夏川結衣飾演嘅大嫂史枝身上。

在《嫲煩家族》系列中，夏川結衣演活嫁入平田家多年嘅黃面婆，今次同丈夫炒大鑊後決定離家出走，片中提到佢結婚前係個大美人，而現實當中，夏川結衣的而且確曾靚絕影視界。

入行逾30年嘅夏川結衣上月踏入50歲，多年來未婚，而有睇開日劇就唔會對佢陌生，當年出道即擔任《non-no》模特兒，更以索模姿態殺入影視圈，除夥豐川悅司合演《青鳥》外，更喺阿部寬代表作《不能結婚的男人》中演女主角早坂夏美，重溫佢當年外型，真係同《嫲煩家族》嘅肥師奶形象有好大出入。

精選娛聞，喺晒《娛果》
http://fb.com/appledailyent