盧海鵬和林建明今日在九展出席ViuTV節目《林盧去追星》活動，他們透露月底將出發首爾，但未出發前，兩人已在活動中不停鬥嘴，林建明表示很喜歡韓劇，最愛是韓星池昌旭，大讚對方靚仔又大隻，鵬哥則說：「我唔睇韓劇，都聽唔明韓文。」林建明提議他可看字幕，鵬哥即說：「咁唔使收音啦！」

受訪時，鵬哥表示不擔心拍攝長，「自己揸主意啦，梗係叫佢唔好拍咁長啦，有乜所謂吖！」鵬哥透露首次到首爾，「我成世人都喺TVB撈咁耐，乜嘢艱巨嘢都拍過，但好撈嘅旅遊節目，從來都唔派我去，呢次能夠臨老去一次，仲要同呢隻阿明去，我哋相識咗幾十年，我覺得好高興。」林建明聽到即開心地說：「哎呀，好多謝你！」鵬哥又放笑彈：「唉，你好似失常咁！」

談到他們由《蝦仔爹哋》鬥嘴鬥到現在，鵬哥笑說：「又唔係鬥唔鬥，我睇佢唔順先鬥嘅啫，不過我哋對咗咁多年，做戲先鬥，平時就佢窒我多。」

林建明指自己很早出道，所以失去了青春少女期，「過咗幾個世紀，而家得閒就想尋找番當年嘅少女情懷，所以除咗不停旅遊，仲有煲劇，我仲代入咗少女心態。」林建明笑言此行一定要見池昌旭，「我已經探聽到佢雖然已經入伍，但軍方會放佢出嚟幾日做嘢，於是我要去撲飛，然後就撲上台，我未知到時會做咩。」鵬哥無奈地說：「原來你為咗咁先去，咁我就真係去錯！」林建明笑謂：「梗係啦，唔通為你咩！」

《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw

全港打工仔特約：Lun廚動腦Q
加開1:30pm
3月11至22日
星期一至五1:30pm 10:30pm
http://bit.ly/2IZA8Ef