香港駕駛學院開設「特惠駕駛課程」，以中期試不及格可獲部份退款作招徠，有學員報名時，在職員游說下加付180元作為可揀選星期日上課，其後中期試不及格，要求退回部份學費，但被拒絕，理由是他多付180元，乃屬另一課程，報讀該課程不會退款。消委會認為，學員索還學費表面證據充份，可向該會投訴。

《蘋果》讀者翟先生投訴稱，他於去年三月在香港駕駛學院沙田新城市廣場分店，報讀「輕型貨車漸進課程」，學費4800元，職員稱，學員如在中期試落第，可獲退還2800元學費，宣傳單張上亦列明此優惠。

宣傳單張列明優惠
辦理報名手續時，職員又向他推銷，只須另付180元，便可選擇於星期日上堂，較有彈性。翟先生說，「我見要加錢，就即刻問係咪同樣唔及格都有得退錢？個職員係咁話有，佢重喺我張收據上寫番可以退款的課程名稱簡寫（「輕型漸進」），喺張宣傳單張上又寫4980元呢個總數，話係一樣，叫我放心。」
他於今年二月應考中期試落第後，他即持收據及宣傳單張往駕駛學院，要求安排退款，怎料職員稱，他所報讀課程是不可以退款。
他不滿地表示，「佢哋話我個課程係4980元嗰個，唔係4800元可以退錢嗰個，所以冇得退。但係當日個職員明明話只係額外加錢，重話課程一樣，可以退錢，而且我保存住啲收據同宣傳單張做證，咁都話唔得。咁究竟係當日嗰個職員搞錯？定係個職員誤導我報咗第二個課程？」他多次追討不果，遂向《蘋果》求助。