【一齊肥一齊減】陳偉成上年11月娶妻 今宣佈太太有喜下月生得
陳偉成有喜黃樂樂周秀娜舊愛
周秀娜髮型師舊愛陳偉成(Avis)上年11月與曾做模特兒的女友黃樂樂拉埋天窗。兩人拍拖一年便已經計劃結婚,想不到連造人都非常快手。
Avis今日在IG貼老婆孕照宣佈有喜,他寫道:「今日我老婆生日,都喺度公佈畀大家聽,我哋好快去旅行買三張機票啦。係呢9個月裏面,懷孕真係犧牲好多,好多嘢都玩唔到、好多嘢都食唔到、好多嘢都要驚呢樣驚嗰樣,連行步路都特別辛苦。我老婆仲未生,我已經感受到懷孕付出有幾多,生完之後個身形又會走樣,但係千祈千祈唔可以嫌棄,所以做人爸爸完全搵唔到一個藉口。對老婆唔好、對老婆唔住。媽媽真偉大,Love u Foreve Baby!識我嘅人都知道我不嬲鍾意小朋友,所以佢未出世我有幾期待。」
Avis一直為老婆陀B保密,他今日接受《蘋果》訪問時說:「老婆預產期係下個月,好快就到,佢會擇日子剖腹,楊天命師傅幫BB揀好日子,等BB出世會改名。一直保密係因為疫情緊張,家人擔心想低調啲。」Avis表示已照到腹中瑰寶性別,他續說:「囝囝嚟,家中第一個男孫,所以媽咪好開心。」準爸爸Avis四出問朋友取經,知道大肚婆不能捱餓,每晚都親自煮消夜給老婆吃,他也陪吃,Avis說:「樂樂怕肥,我決定陪食宵夜,一齊肥,等佢生完先一齊減。」Avis下月會陪老婆入產房。
-----------------------------
第三屆最港電影大獎
按此立即投票 -----------------------------
【武漢肺炎】專頁 全民自救 抗疫資訊盡在《蘋果》
Avis貼出太太孕照,宣佈即將三人行。(IG圖片)
Avis一直對太太陀B一事保密。(受訪者提供圖片)
下月就到預產期,Avis說是家中第一位男孫。(受訪者提供圖片)