一連兩日都有到金鐘佔領區的葉德嫻(Deanie)，今晚二度上台發言，並獻唱《獅子山下》一曲。Deanie姐甫出場已全場掌聲雷動，一起撐著黃色雨傘，與黃耀明、何韻詩等並肩而立。Deanie姐說:「我係屬於老一輩嘅人，我係喺獅子山下長大嘅，當年我係見到好多木屋，好多鐵皮屋，但係今日嘅獅子山下你見到咁多高樓大廈，應該係睇落嚟好似好好，但點解我哋今日會坐喺呢度？」

Deanie姐續說:「其實呢個係一個美麗嘅表面，我哋要嘅係一個真嘅，我哋要嘅，係真普選。」全場再報以熱烈掌聲。唱《獅子山下》期間，Deanie姐再說:「只要我哋堅持，夢想一定會成功。」

獻唱此曲時，Deanie姐還有一段獨白，她說:「喺一個月前，我哋見到雨傘運動遍地開花，係幾日之前獅子山下寫咗新嘅一句不朽香江名句，就係『我要真普選』，只要大家堅持，呢個夢係一定可以成功嘅！」唱畢此曲，Deanie姐聯同文化監暴眾成員再唱《撐起雨傘》，Deanie姐更大展唱功嗌爆咪，全場氣氛高漲。

同台的明哥，八九年民運，也曾與Deanie姐到跑馬地一齊參加《民主歌聲獻中華》，如今兩人再度並肩作戰，明哥說:「但係我哋毋忘我哋嘅初衷，因為其實真正嘅民主，我哋仲未得到。所以其實今日，Deanie姐可以同我哋一齊站在呢個台上面。」Deanie姐即說:「多謝你哋嘅邀請，呢個係我嘅榮幸!」

明哥又謂:「《獅子山下》呢首歌，曾經俾無恥涼薄嘅梁振英政府同建制派騎劫咗，但係好多謝香港蜘蛛仔，幫我哋將獅子山重奪回到我哋手中，我哋今日將呢首屬於我哋香港人嘅《獅子山下》送俾大家。」