啱啱喺上月底收到一封44個「殺」字恐嚇信嘅蔡菜子，一不離二，噚日又收到另外一封恐嚇信，叫佢速速退選，不過蔡菜子今次唔敢向傳媒透露恐嚇信內容，因為上次講得太多，俾警方叫佢封口。
蔡菜子話，暫時只可以講信裏面嘅用字好有黑社會feel，言下之意都係唔多好聲氣。同上次一樣，蔡菜子噚日即時報警求助，佢話唔知道點解咁「旺場」，連收兩封恐嚇信，但強調唔會俾人嚇到，會繼續做好選舉，絕對唔會鬆懈。佢仲話作為公眾人物都冇得擔心咁多，因為呢啲無聊嘢無日無之，防不勝防，惟有相信警方。蔡菜子雖然再接恐嚇信，不過一入選舉活動按原計劃進行，傍晚如常出席地區動員大會，完全冇驚過。