致敬呢個動作，對藝人而言，好敏感，但又經常做。

之前大陸「八．一」建軍節，不少香港藝人在微博貼致敬圖，有人更聲稱每念及軍人的付出及犧牲精神就感動流淚。

去年6月，迷你倉四級火警，香港演藝界發起「向前線消防員致敬」活動，亮著手機小燈、手執紙牌向消防員致敬。

今午陳冠希忽然在社交網貼咗張致敬圖，最搶眼仲係佢頂帽。紅色，中間有一粒黃星。越南國旗？

相中陳冠希神情嚴肅，舉手致敬，ig落tag係@undercover_lab，只簡單寫：SALUTE。

大陸Fans紛紛在ig尖叫：
「我對你敬禮」
「化身迷妹」
「哈哈哈好可愛」
「冠希哥，時光飛逝呀，希望你越來越好。」
「Salute，我對你敬禮，代表我心裡有你」
「冠希好有型啊」
「香港人太低估你了」
「冠希乖到戴紅旗？」
「沒錯，是中國人cn」

最抵死都係，仍然有人笑佢似趙本山…
陳生究竟想表達乜嘢？