被指玩嘢辣㷫對手 尼馬反擊:依家踢波好悶
雷恩尼馬PSG法甲巴黎聖日耳門歐洲足球法國聯賽盃
巴黎聖日耳門(PSG)前鋒尼馬喺禮拜二贏雷恩3:2場法國聯賽盃,被指喺比賽期間接連兩次做出辣㷫對手嘅行為而受到批評。不過,呢位巴西國家隊隊長並無因為咁而道歉,仲反駁話依家踢波好悶,因為做乜都會俾人鬧!
尼馬喺比賽期間除咗曾經用背脊控波,亦喺補時四分鐘嘅時候,扮幫手拉起跌低嘅雷恩球員咸馬利查奧爾,但之後又突然縮手,仲笑笑口走開。對於自己受到抨擊,尼馬反擊話:「依家踢足球真係好悶,球員做乜都唔得,乜都有爭議性。我只不過係同咸馬利查奧爾開玩笑啫,咁就話有爭議,我同朋友成日都咁玩㗎喇,點解唔可以向對手咁做?都係開玩笑啫。佢哋夠不停用犯規截停我喇,我嚟係踢波㗎,佢哋識得挑釁我,我都識嘅。但係會用我嘅方法,用足球同我嘅球技,我嚟唔係要hea踢囉,我唔識得咁做。如果後衛挑釁我,我只會還擊,而且程度會更加嚴重。」
--------------------
皇馬再臨!立即登入『BFB CHAMPIONS 2.0』,領取球王C朗,建立最強銀河艦隊! http://bit.ly/2xrTKGM