練馬師麥菲文首季來港開倉，暫時取得5Win非突出，成績或與本身名氣未能掛鈎，不過呢位名牌廐主，今個聖誕仍然緊守崗位，敬業樂業，希望辛苦有回報啦！

今期(27日)谷草夜馬，麥菲文雖只出一匹「友歡笑」，列陣於頭場五班1800米，但備戰仍十分認真，這天(26日)作賽前一日最後催谷，此駒安排由副練策騎，開往內圈踱步加課，麥菲文一早在機坪恭候，觀察馬身、神情等自然唔少得，工夫做好晒，就睇到時落場巫顯東操刀，交出甚麼成績了。

計往績「友歡笑」似乎以沙田泥地較佳，但大前仗正於同程谷草1800米得季軍，算合腳法，最重要是今場配上當紅見習生巫顯東，實則只負107磅出賽輕飄飄，排2檔採用且戰且走跑法，響五班賽事殺傷力可以好大。