【好事近?】效法城城晒拖手相 35歲余文樂拖台千金浪漫遊倫敦
郭富城余文樂王棠云
郭富城今日宣佈榮升做爸爸,一家三口手拖手,大晒幸福。
而城城昔日好友,但之後唔知咩事斷交嘅余文樂,今日都喺ig放閃。35歲嘅余文樂喺去年承認與台灣皮帶大王千金兼女星王棠云拍拖,喺社交網站上載頭貼頭背影照,令唔少「樂迷」心碎,之後佢哋都繼續保持低調。
近日去咗倫敦睇時裝周嘅余文樂已經露口風話想結婚,但暫時未有答案,似乎係暗示女方未應承。今日凌晨,樂仔突然上載一張與神秘女子十指緊扣嘅合照,又係影背影,不過就已經被網友認定相中女子係「樂嫂」王棠云,估計王棠云都有去倫敦睇騷,順道可以喺外國拍拖,非常浪漫。
余文樂留言:「Hold ur hand.(捉緊你手)」唔知樂仔嘅意思係咪「執子之手,與子偕老」,唔少網友都問係咪好事近,並紛紛送上祝福!