金燕玲今日在「蜜友」蘇施黃主持的商台節目《大玩派》中透露，在今年初發現患有子宮癌。

金燕玲透露最初之所以去做檢查，是因為在英國的女兒回港時提起，兩母女便一同「畀錢」去做檢查，之後診所打電話給她表示醫生要跟她面談，當刻金燕玲亦覺得奇怪。1月30日金燕玲再次到診所，醫生提議她在診所做「挖宮」拿組織化驗，不過挖完一次後，醫生表示需要再挖多一次，但金燕玲則以「太痛」而拒絕，醫生就安排她第二天到醫院再「挖宮」及照內窺鏡等。

金燕玲表示離開醫院時候一直在哭，但由於好快便農曆新年，她便去了髮型屋染髮，但仍忍不住一直流眼淚，令其他人覺得驚訝。而蘇施黃則表示還好金燕玲忍不到痛，故要入院做檢查，皆因進行了多次檢查，才知道金燕玲的腫瘤不是在子宮頸，而是在子宮內。

金燕玲呼籲聽眾要全身檢查：「如果唔係我個女話要做，我都唔會去做，我就唔會發現到。醫生話如果我冇發現到，三年後就好嚴重，上天好似畀咗啲時間我。」

金燕玲指接受化療期間，要妥善安排時間，做自己喜歡的事，不過因為體力太差，原本有四月有一個自己好鍾意的劇本，要到台灣拍攝，但已經取消工作。她又向蘇施黃建議，之後每次化療後，都希望有時間上節目分享近況。

金燕玲又自爆開始甩頭髮，之後可能會剃光頭，她說：「甩頭髮好得人驚，我有心理準備，已經準備好，有朋友畀建議我，綁頭巾或者戴假髮，我想知有冇人專門賣唔同、靚又低調嘅相關產品畀癌症病人，好似有產品畀大肚婆咁。」金燕玲指出院第一日，陪女兒約了兩個朋友飲茶，食完飯再去剪短頭髮，希望自己不要披頭散髮。蘇施黃又打趣說：「係喇，打到麻雀就打麻雀，麻雀能醫百病。」

全港打工仔特約：Lun廚動腦Q
加開1:30pm
3月11至22日
星期一至五1:30pm 10:30pm
http://bit.ly/2VKESPM

《Captain Marvel》完全導讀本
足料78頁 深度解構最強英雄！
https://bit.ly/2VyXIt2

第二屆最港電影大獎投票網址
https://bit.ly/thekongestfilmawards2018