07年港姐冠軍張嘉兒大前年與金融才俊Nathan結婚後，生咗囡囡Leora，現在已經1歲喇。嘉兒減少幕前工作，經常陪住囡囡，近日趁炎夏又帶埋囡囡同屋企人去墨西哥旅行。

陽光與沙灘，穿上比堅尼嘅嘉兒大騷美好身段，佢喺ig貼相及短片，見佢抱住囡囡一齊游水，畫畫充滿愛。嘉兒今日以短訊回覆傳媒時透露今次係Family vacation，問到點解生完身材都咁fit？佢話﹕「我諗湊女就係最佳嘅運動方法，而囡囡都好鍾意游水。」見嘉兒嘅囡囡生得好靚好得意，問會唔會鼓勵囡囡將來參選港姐？佢話﹕「haha，我諗唔係幾好喇！(想佢做專業人士？)係，應該會好啲，或者搵個好老公，好似佢Daddy咁。」佢仲話會「Thinking」生多一個小朋友，咁希望快啲再聽到好消息啦！

精選娛聞，喺晒《娛果》
http://fb.com/appledailyent