當年今日
關於我們

【韓流】《又,吳海英》收視成tvN史上No.4內地劇涉抄預告

蘋果日報 2016/06/01 06:00

蘋果香港韓國收視即時又,吳海英no.4

由男團神話嘅Eric同徐玄振主演嘅tvN新劇《又,吳海英》自播出以來叫好又叫座,早前劇組宣佈延長兩集,將會以18集完結。而劇集收視更創新高,除咗已破咗之前人氣劇《奶酪陷阱》嘅收視外,噚晚播出第10集收視又再升至8.425%,成功超越咗前年嘅人氣劇《未生》創下嘅8.24%收視紀錄,暫列係tvN電視劇收視榜嘅第四名,當中第一名係《請回答1988》(18.8%),第二名係《Signal》(12.54%),第三名係《請回答1994》(10.43%)。

由於《又,吳海英》咁受歡迎,有好嘢自然被抄,近日有網民就發現內地劇《是!尚先生》嘅預告疑似抄《又,吳海英》,《是!尚先生》由陳學冬、歐陽娜娜、小甜甜等人主演,將於聽日首播,但網民就發現《是!尚先生》嘅預告同《又,吳海英》當初發佈嘅第一條預告有九成相似,同樣都係女主角從銀包拿出優惠券,但最後發現裏面都係土,接住咖啡杯裏倒出嚟亦都係土,而男主角就同樣都戴上護目鏡同埋口罩,擺明抄到十足十。