梁舜燕在60年代當過麗的訓練班導師，曾教第一屆訓練班學員汪明荃（阿姐）儀態，阿姐昨日得知梁舜燕死訊時深感難過：「我認識Lily姐時，佢喺麗的報新聞，係『麗的三花』之一，當年佢着旗袍報新聞，好靚好端莊。到我讀麗的訓練班時，佢教我化妝同儀態，佢談吐舉止名副其實大家閨秀。我同佢細仔（阮惠熊）最熟，可惜佢細仔多年前走咗，我同Lily姐個女曼莉都熟，因為細個一齊玩，後來Lily姐過咗嚟TVB拍劇，雖然少見到，但都好close。」

阿姐表示佩服梁舜燕對工作的堅持：「我哋有時開工攰就咁喺度瞓，但Lily姐唔會，佢點攰都唔會隨便瞓同呻，好值得後輩學習。」阿姐讚Lily姐由內到外皆做得很好，是「真女人」典範。
採訪：魯吉