【一拖三美】教老婆姊妹滑水 陳嘉寶老公唔敢亂嚟

蘋果日報 2018/06/18 15:51

陳嘉寶滑水蔡思貝陳瀅黃頌祈
    陳嘉寶老公黃頌祈（Epaphras）原來係香港滑水代表隊，日前以香港滑水總會成員身份，率領一眾滑浪好手，到銅鑼灣鬧巿宣傳7月6至8日假大埔海濱公園舉行「Nautique Wakefest Hong Kong 2018」，期間Epaphras還跟滑水好手示範拉超過五千磅的拖艇，展現滑水高手的爆炸力。
    Epaphras自幼喺長洲長大，2歲開始游水，9歲跟爸爸接觸滑水運動，嚟緊亦會參加「Nautique Wakefest Hong Kong 2018」。問到太太陳嘉寳有冇跟佢滑水？Epaphras笑言﹕「佢可以話係『防水』，但會精神上持我。玩水通常一玩就六、七小時，而且唔會聽電話，佢唔會瘋狂打電話畀我、唔會騷擾我，好似我現在花好多時間參與滑水推動工作，佢都會默默支持，唔會埋怨我。」咁會唔會試吓感染嘉寶？佢一臉無奈咁話：「通常男女朋友，或者係夫妻，都係比較難教導對方，曾經試過一次帶佢滑水，但對佢嚟講唔太適合，之後都冇再玩，我亦不會強迫佢。」
    反而，嘉寶一班好姊妹陳瀅、蔡思貝、吳嘉熙、何雁詩等就好鍾意滑水運動，有跟Epaphras學習，問到邊位女神最有潛質？Epaphras梗係唔敢亂講嘢：「可能佢哋都有運動底子，所以第一次玩滑水，已經可以上水，最驚喜係陳瀅，第一次玩可以上水，第二次玩已經可以甩繩。(朋友有冇羨慕你同咁多女神一齊玩？)冇呢種感覺，喺我眼中滑水只係一項好好嘅運動，同唔同人玩反而可起推動作用。」

    精選娛聞，喺晒《娛果》 http://fb.com/appledailyent
    empty
    嘉寶老公Epaphras示範拉超過五千磅嘅拖艇。
    empty
    Epaphras與一班滑水好手一齊做宣傳活動。
    empty
    Epaphras瘋狂戀上滑水嘅速度感與跳躍高度。
    empty
    蔡思貝嘅身形fit到爆，即使滑水技術麻麻，但都好有睇頭。
    empty
    陳瀅被讚有天份。
    empty
    Epaphras一拖三美出海滑水。