林鄭：施政報告屬特首 尊重CY表述看法
立場新聞 2015/01/15 16:26
政務司司長林鄭月娥今午出席記者會，講述政府人口政策措施。有記者提及特首梁振英昨日多次抨擊香港大學刊物《學苑》，林鄭作為港大「大師姐」，是否認同特首所謂，要「警惕」《學苑》所及的政治主張時，她回應：
一年一度嘅施政報告呢，係屬於行政長官嘅施政報告……我覺得好正常，行政長官會利用呢個一年一度嘅施政報告嘅機會，同大家分享下佢嘅施政理念，佢對於香港近來嘅發展，佢自己有啲咩睇法。
今次施政報告嘅引言同總結，我都會歸類係呢一種，佢想同社會分享下嘅嗰啲睇法……有一啲地方佢覺得要提出嚟畀大眾關注，或者所謂警惕作用，我覺得、我個人尊重行政長官，佢利用施政報告，作出呢啲表述。
她亦強調，《施政報告》是屬於特首的報告，認為當中的「引言」及「總結」部份，是梁振英自己的看法；不過，梁振英昨日曾強調施政報告是政府團隊的集體製作，由他負責最後審稿。