03 年沙士後創業　樓上獨立唱片店逆市搬地鋪　店主：呢一行點都有得做

立場新聞 2020/03/19 21:52

    疫症未見頂，零售業叫苦連天，但深水埗大南街一隅，便有一間獨立唱片店逆市進駐。White Noise Records（WNR） 在 2004 年沙士後開業，經歷 16 個寒暑，疫症再臨，他們由樓上舖搬到地舖，店主 Gary Ieong 說：「唔想遊客以為香港條街淨係得藥房！」
    empty
    White Noise Records 店主 Gary Ieong
    近年串流音樂大行其道，唱片業萎縮，坐落地舖的唱片店買少見少。WNR 選擇在這個時間第四度搬舖，皆因前業主突然通知要收回單位維修， Gary 說：「嗰時都好噩然，同業主好耐都無聯絡，但突然就叫我哋一個月內搬。」
    empty
    White Noise Records 第一代（右）、第二代（左）舖面。（受訪者提供）
    在徬徨之際，Gary 想起有朋友曾說過大南街租金相宜，便決定一探究竟。果然，該處地舖租金跟樓上舖相差不遠，因此便決定將唱片店「落地」。他說，開地舖一直是他的心願，「簽約嘅時候我哋都好興奮，我諗大家都覺得，咁多年都冇一間咁嘅唱片舖喺地面開業。」
    新舖左邊是皮藝店，右邊是咖啡室，對面街卻是街坊士多店，新舊共存正是大南街的獨特氣色。開業一個星期，不少穿着街坊裝的人走進舖頭，喃喃自語：「乜仲有人聽黑膠架咩？」這也是 WNR 過去沒有的風景。
    empty
    由最初月租 5300 元的 800平方呎樓上舖，到現在月租數萬元的地鋪連閣樓，Gary 嘆道，已習慣每隔數年便要搬舖，「其實係好悲哀，我諗都係唔少人做生意嘅辛酸。」他續說，當年因為疫症，租金低廉，令他有機會創業；反觀今次武漢肺炎，Gary 說租金水平未有明顯回落，「可能啲大業主根本都唔等錢洗，寧願丟空啲舖都唔減租。」他認為，現時創業最大負擔還是租金，逼得有特色的小店只能屈居樓上舖，「成條街都一模一樣嘅舖頭，其實真係好悶。」
    empty
    Gary 去年 12 月簽下三年租約，當時武漢肺炎還未大流行，直至新舖裝修期間，疫情才一發不可收拾，「嗰時喺度諗，死啦，都唔知開舖之後點，都要硬住頭皮去做。」他坦言，由開業的第一天開始，已沒想過賺大錢。「呢行點都有得做，只係睇你想要啲咩」，對於 Gary 來說﹐最大滿足感還是可以將自己喜歡的音樂分享給其他人、認識到不同的樂隊。

    面對疫情，Gary 推介以下 3 張專輯，讓大家在鬱悶之中，輕鬆一下：

    1. Chernobyl (Music from the Original TV Series) - Hildur Guðnadóttir

    「大家應該好得閒，近期喺屋企睇咗好多戲，我估唔少人都因為咁聽過外國劇集《切爾諾貝爾》的原聲音樂。Hildur 嘅音樂旋律本身都好低沉、單調，對於呢套劇嚟講可以話係神來之筆。」

    2. My Favourite Tune - 福居良

    「福居良係第一個被外國人認可嘅爵士音樂人，佢嘅音樂比較放鬆一啲，而家呢個環境覺得很悶﹐困在屋企唔知做咩，所以可以聽下佢嘅音樂放鬆一下。」

    3. Two (Live At Sydney Opera House) - Alva Noto & 坂本龍一

    「過去兩個月，好多人都好想再目睹坂本龍一嘅現場演出。可惜買到飛嘅人，比買唔到飛嘅人更傷心，因為疫情關係推遲咗演出。呢一隻係坂本比較近期嘅現場錄音專輯，聽呢隻碟就當望梅止渴啦！」

    White Noise Records
    地址：九龍深水埗大南街 199 號地下
    電話：2591 0499