警方官方 Instagram 本月 11 日發布限時動態，稱要舉行「5 秒答問大會」收集提問，揀選 50 條拍片回應，今日「找數」。被選中的問題絕大部分內容軟性，只有最後幾條較具爭議，包括 7.21、8.31 事件；《立場新聞》曾經在收集問題期間，問警方會否就「七警案」道歉，警察公共關係科高級警司江永祥在片末現身回答，但仍然未道歉，僅稱「會根據公務員守則及警隊條例跟進」；另外江永祥又說警方未有停止調查「元朗 7.21 襲擊」，又回應「太子 8.31 事件」，表示「死咗幾多人？死嘅係我嘅腦細胞呀，畀你哋激死。」 

警方今日在 IG 發布的影片長約 6 分鐘，由畫外音提問，一名手持委任證的女子「琪琪」邊走邊答。50 條問題頭 20 條都是基本資料問題，包括投考資格、受訓情況、「香港有幾多間警署？」、「乜嘢係 PTU 等」。有網民問及想投考警察，但怕人家目光該怎麼辦，警察就回應「唔使理人哋，做好自己就可以」。警察亦回應說，雖然投考全職警察的人數減少，但是投考輔警的人數卻增加。

亦有人問警察理想的接報後到場時間，警方的裝備，包括會否再購入「水炮車」，「水炮車可否用於救火等」。另外，也有人問警察的社交帳號由誰管理，主持人則指「小編都係警察嚟㗎」。另有問題問外界對警隊有「誤解」有何感覺，警察就回應指「吃力不討好」，但會努力消除市民「誤解」。當被問到警察是否應該政治中立，就回應說公務員要政治中立，「但唔代表政治冷感，仍然可以關心社會，可以有自己睇法」。

在第 46 條問題，有人問及「點解江 Sir 咁 Cute」，之後江永祥就現身表示「其實做警察就唔使 cute」，第 47 題問到「七警案」，指終審法院裁定 5 警罪名成立，警方會否道歉，江永祥指「處長已經講過，會根據《公務員守則》和《警隊條例》嚴肅跟進，秉公辦理」；第 48 題被問及「幾時查 721」，江則回應「一直都有查，一直冇停過」，並指已拘捕 37 人。

第 49 條問題問及「一哥幾時下台？」江永祥回應指「處長理直氣壯做得好，只有懼怕我哋正義嘅人，先會想處長辭職。警隊唔會冇一哥，香港亦唔會冇警隊」；最後一條問「831 死咗幾多人，證據呢」，江永祥就回應「死咗幾多人？死嘅係我嘅腦細胞，畀你哋激死，係咁多。」