政府昨日（23 日）公布，建議修例訂立 DQ 公職人員「標準」（另見報道），政制及內地事務局局長曾國衞明言，若修例通過後，4 名曾在立法會選舉被 DQ 的區議員，將於法例生效後喪失區議員資格（另見報道）。《立場新聞》今晚（23 日）邀請到其中三名「將被 DQ」的區議員梁晃維、鄭達鴻和岑敖暉，以及浸大政治及國際關係副教授陳家洛四人對談。三名區議員都表明，被 DQ 是意料之內，不太擔心，岑敖暉笑言，「有信心唔會餓死，唔洗瞓街」，梁晃維則說比起自己，更擔心議辦同事，「好想幫同事搵工，好似帶咗佢哋上咗隻賊船」。

被問到被 DQ 的感受，梁晃維指早已心裡有數，「會郁我哋四個人，問題係幾時出手」。鄭達鴻形容「（一直）等緊呢把刀劈落嚟」，昨日得知結果後反而「鬆一口氣」，認為在極權下，香港人不能一味擔心被清算，應繼續在自身範疇做到最好。

至於未來去向，三名區議員都不約而同直言未有太多計劃，梁晃維坦言，暫未有個人打算，「（喺現時香港）好難做 long term planning，依家比人當『國安犯』，唔知過唔過到下一次警署報到」，並承認難以想像會有僱主願意聘請他們；但他期望，社區能夠做到「自救、團結」，「想街坊無咗我都得，（會諗）點樣令到自己嗰區嘅人鍾意嗰區。」

岑敖暉笑言，即使被 DQ 仍「有信心唔會餓死，唔洗瞓街，但求生存到，唔死得，人無事。」他又說，區議員一席由選民投票選出，自言是以「極大比數擊敗」同區候選人，批評現時政府做法是製造一個「政變」，試圖推翻選舉結果，「將市民賦予嘅權力、資源拎走⋯只有選民先可以拎走授權。」

陳家洛將今次 DQ 「標準」，解讀成「中共要全面箝制香港，消磨抗爭意志，要逐步清算」，他續說，「就算你唔做政客都好⋯銀行戶口都可以受影響，（包括）一啲生活嘅小細節⋯（中央要）全個社會一齊打冷震。」

談到中央會否再次「出手」DQ 其他區議員，陳家洛悲觀地指，有可能「全軍覆沒」，鄭達鴻則估計曾被《文匯》、《大公》點名批評的區議員或有危機。提到假如今年 9 月如期舉行立法會選舉，民主派議員應否再度參選，鄭稱「唔好有太大幻想…入咗閘之後，仲有第二、三關，律政司司長可隨時再 DQ。」