【邊個整曾鈺成？】稱有人寫報章文章不斷攻擊 感莫名其妙 曾鈺成：我又冇得罪佢！
立場新聞 2015/07/24 20:06
圖：無綫新聞片段截圖
立法會主席、民建聯曾鈺成日前接受港台專訪時，重申不會參選特首，又指「後生十年我就沉不住氣參選，睇你點樣整我」，正隨民建聯訪京團到北京的他，今日傍晚被問到覺得誰人在「整」他，曾鈺成解釋，是近日經常有人在報章撰文，視他將會參選似的，不斷說他的不是，令他有感「如果後生啲，火氣大啲就頂唔順」。
他在與港澳辦主任王光亞晚宴前，向現場傳媒表示：
「公道啲睇下，你見到有啲人，每日或者隔日就出篇文章，當我會出嚟選行政長官，話我點差點差，我覺得好奇怪囉，所以我話，如果我後生啲，火氣大啲，就一定頂唔順架啦......我已經過咗呢個階段，冇晒火氣。（記者：是誰人？）你見到架！我費事點名啦，有啲報紙幾乎日日都出篇嘢，莫名其妙，我又冇得罪佢。」
另外，民建聯主席李慧琼表示，今次行程收穫豐富，人大委員長張德江、港澳辦及中聯辦的領導，都對民建聯新領導班子寄予厚望，他們未來會在團結社會等方面多下功夫，亦希望在發掘人才方面，為香港管治做更大貢獻。