【陳同佳案】無應約見潘母 鄧炳強未解釋原因 「中國台灣唔好政治操弄」
立場新聞 2021/10/20 14:07
2021.10.20 鄧炳強
台灣殺人案疑犯陳同佳案發超過 3 年依然未赴台自首，案中死者潘曉穎的母親日前邀請保安局長鄧炳強等，與她在今日（20日）會面，惟無人應約。鄧炳強下午會見傳媒時，兩度被問爲何未有赴約，他都未有解釋原因。鄧重複呼籲台方「摒棄政治操弄」，指警方在陳同佳到台後「會提供一切協助去解決」，又指問題在於台灣不允許陳同佳回台受審，「都好希望潘媽媽同我哋、同全香港市民，一齊希望中國台灣當局，攞勇氣同埋人性，容許陳同佳為佢自己做嘅事負上責任。」
鄧炳強下午在立法會稱，對潘媽媽「非常同情」，但據他了解，陳同佳很希望赴台，問題在於台灣基於「政治操弄」，不允許陳同佳回台受審，「所有證據都喺台灣搵到，只要佢容許陳同佳返去，就可以解決成件事情」。他表示，希望台灣當局「摒棄政治操弄」，「攞返人性、公義，容許陳同佳返去就自己行為負上責任......我都好希望潘媽媽同我哋、同全香港市民，一齊希望中國台灣當局，攞勇氣同埋人性，容許陳同佳為佢自己做嘅事負上責任。」
問：局長，既然你話潘媽媽同你哋一齊，點解今早你同處長（蕭澤頤）無應潘太約？
答：我哋係要社會全體齊心，要向中國台灣叫佢唔好再政治操弄，我哋要清楚話俾中國台灣聽，你做乜嘢都改變唔到台灣就係中國一部份。你點解要政治操弄，唔俾一個好想為自己做出（承擔）違法責任嘅人去？當陳同佳去咗，我相信透過警務協作，一定可以同中國台灣當局提供一啲協助。
問：但點解唔應約，個原因點解一直都唔講？
答：其實依件事件，係當陳同佳去咗台灣之後，我哋警方就會提供一切協助去解決事件。
2 次未有解釋爲何未有應約
被問及爲今早未有應約與潘媽媽會面，鄧炳強回應，「我哋要社會全體齊心，要向中國台灣叫佢哋唔好政治操弄，我哋要清楚話俾中國台灣聽，你做乜嘢都改變唔到台灣就係中國一部份，你做咩都改變唔到。點解要政治操弄，唔俾一個好想為自己做出（承擔）違法責任嘅人去？」又指若陳同佳到台灣後，「我哋警方就會提供一切協助去解決」
稱根據機制決定是否提供人身保護
潘媽媽上周提及，因自己多次就事件公開發言，擔心被陳同佳殺害，要求警方保護。就警方會否提供人身保護，鄧炳強今日（20日）則稱，若個人如果認為人身受到威脅，可以隨時與警方聯絡，「會根據機制、所面對的風險，決定是否提供、或者提供咩程度嘅人身保護。」
2021.10.20 潘曉穎母親
潘媽媽質疑鄧炳強讓陳「通街走」
潘媽媽今早（20日）質問保安局局長鄧炳強，就鄧早前受訪指陳同佳在港服刑完畢已成自由人，潘媽媽指，陳同佳在港只就洗黑錢罪服刑，但未就殺人罪受罰，卻可做回普通人，如常生活。她指，陳同佳隨時可再殺人，但當局卻讓陳「通街走」，不重視港人性命，危害社會安寧，「香港已經成功成為逃犯天堂」，並要求警務處處長蕭澤頤解釋，早前讓陳同佳入住安全屋的安排，是基於哪些機制，去保護殺人犯（另見報道）。