負責籌辦是次婚禮的婚禮統籌公司 Next Chapter 負責人 Kurt 向《G 點》透露,一般免飛婚禮建議最少三個月前確認,惟是次情況特殊,只有一個月時間準備,加上文件處理相當複雜,需要與美國日以繼夜溝通,所以難度非常高。幸好場地、攝影、錄影等一眾同志友善伙伴爭取用最短時間安排一切,Kurt 表示感受到「有班人好願意為社群付出同服務」。
雖然是次一對新人受惠於免飛海外註冊服務,但 Kurt 卻不滿足於現狀:「其實婚禮對直人嚟講係人生大事,對 LGBTQ 嚟講又何嘗唔係?但偏偏我哋就要花更多時間、金錢、勇氣去結婚。」Kurt 坦言,正正因為香港不承認本地同性婚姻,同志要飛去外地完婚,才會有免飛婚禮出現。
「我哋嘅夢想就係令每一位朋友都可以用合理嘅價錢喺香港,由親友見證下合法完婚。」Kurt 感嘆道。誠然,不論是面對控罪被限制出境,還是受防疫措施限制,甚或受財政所限,「需要比異性伴侶付出更多」從來都是香港同志共同面對的處境,不少同性伴侶終生的願景只是其伴侶能受到法律承認和保障,正如 Kurt 最後補充:「呢場婚禮過程係點、主角係邊個已經唔重要,最重要係呢一刻佢哋已經係合法嘅夫夫。」